Helga bullar

Smá aukapælingar (aðallega fyrir frændsystkinin)

2006-07-14T15:22:00.000Z

Ég var að tala við hana Kristínu frænku rétt í þessu og hún sagði mér að Íris væri væntanleg til landsins. Þá datt mér í hug að það gæti verið gaman að hafa aftur frændsystkina hitting í sumar meðan allir eru á landinu. Þetta er í raun síðasti séns í langan tíma þar sem Íris og Jóhann búa úti, og Eva, Ólöf og Kristín ætla að flýja klakann líka.

Þeir sem hafa áhuga, endilega látið mig vita. Það væri geggjað gaman að reyna að koma öllum frændsystkinunum saman og gera eitthvað gaman saman.

Sól sól skín á mig,

2006-07-14T10:01:00.000Z

Ský ský burt með þig.

Jæja þá er maður komin heim aftur. Soldið svekkjandi að veðrið er eins, eða jafnvel verra en það var áður en ég fór út. Auðvitað á ég ekki að vera að kvarta, ég hef allavega fengið tvær vikur af sumri, sem er meira en margir hafa fengið.

Fyrir þá sem ekki vita þá vorum við Gunni á Spáni. Það var bara mjög skemmtilegt, en ég nenni ekki að skrifa alla ferðasöguna hér. Þeir sem vilja vita meira er velkomið að kíkja í heimsókn og sjá myndir úr ferðinni, sem eru ekki nema 13-1400.... Gunni keypti sér nefnilega myndavél á leiðinni út, og þurfti náttúrulega að prófa hana aðeins, sem er alltílagi, fyrir utan það að helmingurinn af myndunum er af mér.....

Ívar og Anna og Viktoría lögðu af stað í hringinn í gær, og ég hef hugsað mikið til þeirra í rigningunni í dag. Það er örugglega ekki skemmtilegt að vera í tjaldi í svona veðri, sérstaklega þegar það er eitt lítið kríli með í ferð. Við skulum bara vona að þau verði fljót að koma sér austur, því það virðist vera skársta veðrið þar.

Allavega, góða helgi allir!

Sunnudagspælingar

2006-06-18T16:43:00.000Z

Jæja þá fer að styttast í að maður fái að sjá einhverja sól. Fer til Spánar á mánudaginn eftir viku. Verð bara að segja að ég er orðin frekar þreytt á þessu leiðinda sumri hérna.

Ég verð samt að viðurkenna að ég er eiginlega ekki búin að vera mikið á Íslandi síðustu daga. Ég er búin að vera á Spáni síðan um miðja síðustu viku (í huganum að sjálfsögðu...). Það virðist ekki vera nóg að vera þar í huganum til að verða brúnn, ætli maður þurfi ekki að vera þar líkamlega líka. Kanski er hugurinn minn orðinn rosalega sólbrúnn og fínn, það hlýtur að vera. Vona bara að hann brenni ekki....

Ég á pantaðann tíma í klippingu og litun á þriðjudaginn. Ég er að spá í að breyta soldið til og klippa mig stutt, og lýsa hárið. Svo fer ég í litun og plokkun til Ólafar á fimmtudaginn, þannig að ég verð orðin svaka gella þegar ég fer út. Maður verður að vera sætur fyrir spánverjana.... (hehe)

En allavega, er að hugsa um að koma mér heim úr vinnunni.
síja

atjú

2006-05-23T09:06:00.000Z

Minns er orðinn kvefaður (um mitt sumar!).

Geri ekki annað en að hnerra og snýta mér til skiptis. Og þegar ég geri það (snýti mér) heyrist flautuhljóð.

Vildi bara deila þessu með ykkur

Bless

Leti í vinnunni

2006-05-18T14:24:00.000Z

Ákvað að skella inn smá bloggi meðan það er rólegt hjá mér (er það reyndar mest allan daginn, hehe...). Ætla samt ekki að skrifa mikið af því að mér finnst frekar óþægilegt að vera að tjá mig eitthvað þar sem allir geta kíkt yfir öxlina á mér. Frekar fyndið þar sem ég set þetta á netið þar sem ALLIR geta lesið þetta. En svona er maður bara skrítinn.
Fór með tölvuna mína í viðgerð í gær. Hún er biluð, glæný tölvan!!!! Alveg ótrúlegt, hvernig getur nokkurra mánaða tölva bilað!!! Ég bara spyr. Fæ hana ekki til baka fyrr en eftir helgi þannig að ég nota tímann í vinnunni og geri það sem ég þarf að gera á netinu (sem er reyndar ekki margt annað en að tékka hvort einkunnirnar mínar séu komnar inn....).

Svo ætla ég bara að minna alla á Eurovision í kvöld. Ég ætla að vera hjá mömmu og pabba, borða góðan mat og horfa á hana Silvíu okkar gera sig að fífli fyrir framan alla Evrópu.

Sjáumst.

2006-05-17T12:59:00.000Z

Jæja, þá er maður komin aftur upp á yfirborðið eftir prófin. Vona að þið hafið ekki saknað mín of mikið....
Ég ætla nú ekki að hafa þetta langt því ég er að stelast í vinnunni.... (reyndar er yfirmaðurinn minn ekki mjög strangur... hehe)

Lítið er nú að frétta nema það að ég er búin að fá eina einkunn, 8,5. Það er nú bara alveg ágætt þó ég hafi stefnt á níu. En maður verður bara að vera ánægður með þetta, þetta er nú ekki alslæmt.

Eurovision er á morgun, það verður gaman. Svo er bara að bíða og sjá hvort Silvía fá að vera í aðalkeppninni. Spurning hvort áhorfendur og keppnishaldarar leyfi henni það.

Bless bless.....

Rugluð ég, ég gleymdi aðalfréttinni!!!
Hún er sú að ég verð ein heima næstu eina og hálfa vikuna sirka (partý hjá mér hehe). Kallinn er nefnilega farinn til útlanda, fór í hádeginu. Hann er farinn til Færeyja. Þangað hef ég aldrei verið svo fræg að fara, þó að ég þekki nú helling af Færeyingum (örugglega helminginn eða eitthvað!). Þessvegna er ég soldið stressuð yfir þessu, ég veit nefnilega hvernig Færeyingar drekka (því ég hef drukkið með þeim, endar yfirleitt í einhverju rugli). Vona bara að hann Gunni minn láti Ákavítið í friði....

Nei svona í alvöru þá vona ég að hann skemmti sér vel, þó að hann sé að fara til að vinna.

Bless bless (aftur).

2006-04-01T10:37:00.000Z

Ég var að fatta það rétt í þessu að í dag er fyrsti apríl. Eins og allir vita þá þýðir það að maður verður að vera extra skeptískur á fólkið í kringum sig. Þar sem að ég bý ekki lengur hjá foreldrum mínum missti ég af árlega aprílgabbinu hans pabba sem hann hefur gert bara síðan ég man eftir mér held ég. Það er nú ekki hægt að segja að það sé mjög frumlegt. Hann kemur yfirleitt hlaupandi inn til mín og tilkynnir mér að það sé farið að snjóa.....

Við Gunni erum að vera geðveik á konunni sem býr fyrir ofan okkur. Örugglega ágætis kona, en hún kann ekki að þvo á eðlilegum tímum eins og aðrir. Hún setur í þvottavél, ekki fyrir klukkan tíu á kvöldin, og í gærkvöldi toppaði hún allt þegar við fórum að sofa klukkan eitt og þvottavélin var í gangi. Og by the way þá er ég núna nokkuð marga daga í röð búin að sofna við hljóðið frá þvottavélinni hennar og vakna svo við það á morgnanna. Ég er farin að halda að hún sé með svona auka djobb við það að þvo föt af öðrum. Ég ætti kanski bara að fara með þvottinn minn upp til hennar.... Það er nú það minnsta sem hún getur gert að skella í eina vél fyrir mig í leiðinni.

2006-03-23T16:46:00.000Z

Jæja, nú er margt búið að gerast síðan ég bloggaði síðast, og þá er ég ekki að tala um verkefna og skýrsluskil, því enginn nennir að lesa um svoleiðis vesen.

Byrjum á byrjuninni:

Þann 11. mars síðast liðinn átti litli bróðir minn afmæli og varð 23 ára gamall. Hann var búinn að halda því fram að hann ætlaði ekki að halda upp á afmælið og að hann vildi ekki fá pakka, en eins og venjulega var ekki hlustað á svoleiðis vitleisu. Ég ákvað að bjóða Ívari, Önnu, Viktoríu, Pabba og Mömmu í mat, og auðvitað var uppáhalds maturinn hans Ívars eldaður, lasagne og ostakaka í eftirrétt. Allt mjög velheppnað það.

Í öðru lagi skellti ég mér (með familíunni audda) á fótboltaleik í London. Það var bara ágætis skemmtun, Fulham vann Chelsea (hvernig skrifar maður?) eitt núll. Það þýðir ekkert að spurja mig hver skoraði, því ég hef ekki hugmynd um það. Verð nú samt að viðurkenna að útsýnið var ágætt, sérstaklega fyrir leikinn þegar allt chelsea liðið var að hita upp og beyja sig beint fyrir framan mann. Ekki ljótir rassar það.....
Svo var auðvitað verslað einhvern helling, en það fylgir......

Svo er það helst í fréttum að núna á laugardaginn verður gerð önnur tilraun til að fara á Typpatal með Audda, en síðast þegar við áttum pantaða miða féll sýningin niður. Við skulum vona að hann Auddi greyið verði hress um helgina. Ef einhver hittir hann í dag eða á morgun, þá er sá hinn sami vinsamlegast beðinn um að biðja Audda um að ganga hægt um gleðinnar dyr á föstudaginn.

Takk fyrir mig og bless.

Blaaaaa

2006-03-09T16:28:00.000Z

Jæja, ég hef nú ekki mikið að segja en ákvað að blogga samt, af því að það er svo langt síðan ég gerði það síðast.

Þessi vika er búin að vera eins og allar aðrar, læra, læra,læra... Í næstu viku er ég að fara til London í nokkra daga. JEI! Það verður örugglega mjög fínt. Eini bömmerinn er að ég á eiginlega ekkert mikinn pening þannig að ég get ekki misst mig í innkaupum... Mjög fúlt! En ég ætla nú samt að versla aðeins....

Jæja, ég ætla að halda áfram að læra, það er nefnilega próf á mánudaginn. Svo er líka ýmislegt sem ég þarf að klára áður en ég fer út, eins og til dæmis ein ritgerð og ein skýrsla. Gaman gaman.

En allavega, góða helgi allir!!!!

2006-02-21T15:57:00.000Z

Ég vildi bara benda fólki á að ég sá á B2 að það er kominn undiskrifat listi til stuðnings Silvíu, ef einhver hefur áhuga....

Annars hef ég voða lítið að segja eins og fyrri daginn. Reyndar dreymdi mig voðalega illa í nótt. Til að gera langa sögu stutta þá var ég komin á kaf í pólitík. Já, þeir sem þekkja mig vita að þetta hefur verið algjör martröð fyrir mig. Ég hélt einhverja svaka ræðu í hápunkti draumsins og var mjög reið við andstæðinga mína sem voru krimmar sem reyndu að láta mig líta illa út. Man ekki alveg hvað það var sem þeir gerðu, en það var eitthvað mjög slæmt og það var það sem fékk mig til að skrá mig í flokkinn sem var á móti þeim....

Ætla að fara og opna bækurnar..... Lofa engu meiru en það!

Takk fyrir mig

2006-02-10T14:14:00.000Z

Ég vil bara setja hér opinberar þakkir til allra sem hafa hugsað til mín í dag.

Ég ætla að leyfa mér að vera soldið væmin og segja að ég er alveg djúpt snortin yfir því hvað allir eru duglegir að hringja í mig og senda mér skilaboð, bæði á símann og á netinu til að óska mér tilhamingju með daginn!! Það er við svona aðstæður sem maður fattar hvað maður á góða að sem hugsa vel til manns.

Þannig að núna er ég búin að setja sjálfri mér heit um það að í framtíðinni ætla ég að vera duglegri að muna eftir afmælum þeirra sem mér þykir vænt um og óska þeim til hamingju þegar þau eiga afmæli!!!!

Takk æðislega fyrir mig allir!!!!!!!!

No comment......

2006-01-30T01:01:00.000Z

You Are 64% Abnormal

You are at medium risk for being a psychopath. It is somewhat likely that you have no soul.
You are at medium risk for having a borderline personality. It is somewhat likely that you are a chaotic mess.
You are at medium risk for having a narcissistic personality. It is somewhat likely that you are in love with your own reflection.
You are at high risk for having a social phobia. It is very likely that you feel most comfortable in your mom's basement.
You are at medium risk for obsessive compulsive disorder. It is somewhat likely that you are addicted to hand sanitizer.

2006-01-27T02:09:00.000Z

Úff klukkan er rúmlaga tvö og ég er ekki enn farin að sofa. Ég er nefnilega EKKERT þreytt þannig að ég ákvað að nýta tímann og læra aðeins. Er nefnilega ekki búin að læra neitt í dag. Ástæðan fyrir því að ég er ekki þreytt núna er sú að ég svaf yfir mig í morgun. Ég lá nefnilega andvaka í gærnótt. Ég fór til tannlæknis á miðvikudaginn af því að ég er búin að vera með tannpínu. Hann skoðaði mig vel og vandlega og sagði svo að þessi verkur sem ég var að finna var ekki vegna skemmdar. Góðar fréttir mundi maður halda, en nei. Ég er komin langleiðina með að skemma í mér tennurnar vegna þess að ég eyði öllum nóttum í gníst. Þannig að núna á ég að fara að sofa með góm (eða tannskinnu eins og tannsi vill alla það, en mér finnst það ljótt orð). Ég á gamlan góm sem hann sagði mér að prófa og ég gerði það. Lá semsagt andvaka í þrjá tíma og pirraði mig á þessum óþægilega gómi. Ákvað samt að þrauka og bókstalfega PÍNDI sjálfa mig til að vera með hann. Að lokum sofnaði ég og þegar ég vaknaði hvað haldiði að hafi ekki verið það fyrsta sem ég tók eftir? Hvorugur gómurinn var uppi í mér!!!!!!! Ég hafði sem sagt pínt sjálfa mig í þrjá tíma, og svo hrækt þeim út úr mér um leið og ég sofnaði!!! Ég var svo ringluð þegar ég vaknaði að ég spurði Gunna hvar þeir væru (eins og að hann hefði eitthvað meiri hugmynd en ég....). En Gunni kallinn fann þá að lokum fyrir mig. Annar var undir koddanum mínum, og hinn undir rassinum á Gunna!! Hvernig þeir komust þangað vil ég ekki vita. Ég hugsa að ég þrífi gómana áður en ég set þá upp í mig á eftir, bara svona til vonar og vara......

Háskóli, það er lífið!

2006-01-20T14:58:00.000Z

Ég veit að ég hef mikið kvartað yfir skólanum upp á síðkastið (sérstaklega í desember...) en nú er ég búin að uppgötva hvað það var rangt af mér. Það er dásamlegt að vera í háskóla. Ég er aldrei í meira en tveimur tímum á dag, og frí á föstudogum! Auðvitað ætti ég að vera að lesa, en kommon, ÞAÐ ER FÖSTUDAGUR!!!!

Svo fyrir alla sem vilja slappa af í smátíma þá hef ég eitt ráð. Skráið ykkur í sálfræði í háskólanum, því háskóli, ÞAÐ ER LÍFIÐ!

Mánudagur 16. jan.

2006-01-16T11:18:00.000Z

Jæja þá er skólinn að byrja aftur á morgun. Ég er bara hálf fegin, það er ágætt að fá smá reglu á dagana aftur, en ég er soldið búin að snúa sólahringnum við. Í gær áttum við Gunni árs afmæli. Héldum reyndar ekkert upp á það í gær, en á laugardaginn fórum við upp í bústað og elduðum góðan mat. Fórum svo beint heim eftir matinn því að þegar við vorum að elda föttuðum við að það var ekkert vatn, hvorki heitt né kalt, í húsinu... Í gær átti Hannes afmæli og við kíktum aðeins á hann og Ólöfu eftir kvöldmat. Það var bara voða fínt. Þau buðu okkur í afganga og svo spiluðum við til að verða tólf.
Svo er það helst í fréttum að ég var að fá síðustu einkunina í hús. Hún var bara í samræmi við hinar þannig að ég var mjög ánægð með það. Þetta var nefnilega sú einkunn sem ég var mest hrædd um að yrði hræðileg.

Hetjan Helga Skrifar

2006-01-13T11:43:00.000Z

Fyrir þá sem ekki hafa fattað það þá er í dag föstudagurinn þrettándi.
Helst ætti maður bara að liggja uppi í sófa í dag og horfa á vídjó, en þar sem ég held því statt og stöðugt fram að ég sé ekki hjátrúarfull ætla ég að fara í Kringluna. Já, það eru nú örugglega einhverjir hissa á þessum glannaskap mínum að fara á fjölmennan stað á svona hættulegum degi, en eins og ég hef alltaf reynt að telja fólki trú um, þá er ég einstök hetja....
Ef ég kemst heil út úr þessum ósköpum þá læt ég vita sem fyrst. Ef ekki, þá elska ég ykkur öll!

Gleðilegt ár allir!!!

2006-01-09T18:07:00.000Z

Jæja, gleðilegt ár. Vonandi hafa allir haft það gott á liðnu ári.
Nú er vika þangað til að skólinn byrjar, og verð ég bara að viðurkenna að mín er farin að hlakka pínu til. Búin að fá þrjár af fjórum einkunum, og eru þær allar bara mjög fínar. Ég er allavega ekki óánægð með neina.
Annars hef ég voða lítið að segja, dagarnir eru alveg jafn óviðburðarríkir og venjulega...
Ég skal lofa að skrifa ef ég geri eitthvað merkilegt.
blessbless.

2005-12-28T11:15:00.000Z

Loksins blogga ég aftur. Málið er það að ég hef einfaldlega ekki nennt því eftir að ég hætti í prófunum. Ég er bara búin að vera að njóta þess að gera sem minnst og borða sem mest. Ég er ekki enn farin að fá neina einnkunn þannig að ég bíð bara eftir því þessa dagana. Ekki það að ég sé eitthvað BRJÁLÆÐISLEGA spennt yfir að sjá þær....

En allavega þá bið ég að heilsa öllum, og gleðileg jól.

Hin sívinsæla og bráðnauðsynlega bloggar

2005-12-07T12:09:00.000Z

Þarf nokkuð að segja eitthvað meira?....

Samkvæmt kaffiprófinu er ég
Bankakaffi!
..sívinsælt og bráðnauðsynlegt.

Ég er að verða geðveik!!!

2005-11-28T17:02:00.000Z

Það kannast væntanlega allir við það að vera með eitthvað pirrandi lag á heilanum og geta ekki losnað við það.

Þannig er ég búin að vera í ALLAN dag!!! Og þetta lag er MJÖG pirrandi. Það er sem sagt þemalagið úr þáttunum þar sem verið er að fylgjast með playboy kanínunum heima hjá sér í The playboy mansion (úff ég á eftir að fá skemmtileg auglýsinga komment út á þetta orð...).

En allavega.... ég er sem sagt búin að vera að bjóða öllum í heimsókn heim til mín, syngjandi! Fyrir þá sem eru svo heppnir að hafa hvorki séð þáttinn né auglýsinguna (sem er frekar erfitt ef maður er með sjónvarp yfir höfuð) þá hljómar lagið einhvern vegin svona (ég reikna með því að mínir rosalegu söng hæfileikar skili sér ekki í gegnum netið...) Come on to my house to myyyy house, og svo framvegis.

Það sem er eiginlega verst við þetta allt saman er samt það að ég sé alltaf eina gelluna fyrir mér (sem er í auglýsingunni) að dillla sér í mini stuttbuxum og með eitthvað ljósadrasl um mittið. Þessi manneskja er alveg hrillilega óaðlaðandi....

Ef einhverjir eru farnir að efast um geðheilsu mína á þessari stundu þá vil ég benda á það að í dag er 28. nóvembar (nóvemBAR!? mætti halda að ég ætti við drykkju vandamál að stríða?!?!?!), og því rétt rúm vika í fyrsta prófið.....

Smáauglýsinga horn Helgu

2005-11-21T11:45:00.000Z

Ég lýsi hér með eftir einhverjum sem kann eitthvað í helv*#*# þáttagreiningu til að eyða góðri kvöldstund með mér og tölvunni minni í skýrslugerð. Viðkomandi má vera af báðum kynjum og hvaða aldri sem er. Eina krafan sem gerð er er sú að viðkomandi sé betur að sér en ég í þáttagreiningu (sem er ekki erfitt...)

Kveðja Ein í vanda.

P.S: Ekki er verra ef viðkomandi getur bakað fyrir mig í leiðinni, langar í köku.....

ekki alveg sammála..

2005-11-16T12:46:00.000Z

Íþróttaálfur

Þú ert vanaföst, yfirveguð félagsvera.

Arnold Schwarzenegger er vanaföst, yfirveguð félagsvera. Það er því ekki leiðum að líkjast. Íþróttaálfurinn býr sko ekki í Latabæ (LazyTown ^TM). Hann tekur til fótanna, án þess að vera að missa af strætó og þótt enginn sé að elta hann. Hann er hrókur alls fagnaðar í heita pottinum og er jafnvígur í flugsundi og að troða marvaða. Rétt eins og Tortímandinn er íþróttaálfurinn marksækinn og staðfastur. Ekkert fær hann stöðvað.

"Áfram Latibær, I'll be back!"

Þennan hef ég ekki heyrt áður....

ÉG HATA SK'OLA!!!!!!!!

2005-11-15T17:50:00.000Z

Ég fékk svona nett sjokk í vikunni þegar ég fattaði að nóvember er hálfnaður, og tæpur mánuður í prófin.....
Ég hata þennan tíma á önninni, manni finnst maður ekki kunna neitt, vita neitt eða geta neitt. Og það versta er, maður nennir ekki að gera neitt í því.....
Ég var að koma heim úr umræðu tíma þar sem, ég er ekki viss en ég held, að kennarinn hafi verið að tala grænlensku. Þetta var allavega ekki eitthvað tungumál sem ég skildi............
Það eina sem hægt er að gera í þessari stöðu er að hella sér ofaní bækurnar og vona að maður sé búin að læra grænlensku áður en að prófin koma.

Til hamingju Silla og Denni!

2005-11-13T18:34:00.000Z

Þá er litli prinsinn loksins kominn í heiminn. Silla vinkona og Denni eru búin að bíða óþolinmóð eftir litla prinsinum sem lét bíða eftir sér í tæpar tvær vikur. Hlakkar til að sjá litlu fjölskylduna og óska þeim alls góðs.

Drama drama drama

2005-11-07T18:50:00.001Z

Þessi dagur er sko búinn að vera týpískur mánudagur. Var að koma frá ömmu, en þar kom ég að konu liggjandi í jörðinni öll úti í blóði!!! Ég hjálpaði henni upp og reyndi að fá hana með okkur inn, þó að hún v æri sko alls ekki til í það. Vildi bara fara heim!!! Þetta endaði reyndar alveg vel. Sjúkrabíll kom að sækja hana, en þar sem að þessi kona er á flogaveikis lyfjum þá vildu þeir skoða hana betur (það þurfti líka að sauma). Hún mundi ekkert hvað hafði gerst þannig að kanski hefur hún fengið flogakast. Það var allavega engin hálka þar sem hún lá.
Svo þegar mamma var að keyra mig heim frá ömmu var keyrt aftan á mömmu.....
Þessi dagur..... vona bara að dramað sé búið í bili.

Drama drama drama

2005-11-07T18:50:00.000Z

2005-10-31T18:01:00.000Z

Ég var að enda við að klára heimapróf sem ég á að skila í seinasta lagi á morgun þannig að ég ákvað að halda upp á það með því að blogga aðeins...
Af mér er nú voða lítið að frétta. Mér tókst að virkja Gunna í gær til að taka til í geymslunni, en hún var svo full af drasli að mér kveið alltaf fyrir að fara þarna inn (kanski þessvegna sem þvotturinn var farinn að staflast hjá mér..... ekki vegna þess að ég sé löt, nnneeeeiiii). En allavega nú er hún bara næstum því tóm þannig að ég hef enga afsökun til að fara ekki þangað inn.
Var að fá úr einu prófi í dag, og ég get svo svarið fyrir það, ég var viss um að ég myndi falla á þessu prófi. En einhver þarna uppi hefur örugglega farið yfir prófið mitt og lagað það eftir að ég labbaði út, því ég fékk 7. Var bara nokkuð sátt við það.
Jæja, ég ætla að hætta að monta mig og fara að gera eitthvað (eða ekkert).

Bless bless.

Þriðjudagur í dag og miðvikudagur á morgun....

2005-10-25T17:34:00.000Z

.....Það ætla ég að vona allavega...
Í kvöld er ég að fara á mitt fyrsta (en vonandi ekki síðasta) föndurnámskeið. Henni Ólöfu frænku tókst að plata mig með sér á mósaík námskeið. Hún þurfti reyndar ekki mikið að tala mig til, ég tek öllum tilbreytingum fegins hendi....
Annars er lítið annað að frétta en það að ég fór í próf á laugardaginn. Er ekki búin að fá úr því ennþá, en ég veit svo sem alveg að ég var ellert að brillera.... Ætla ekki að spá mikið í því samt, geri bara betur næst!!!
Bið að heilsa öllum konum og köllum.

2005-10-22T00:22:00.000Z

Ég var að koma heim af svaka fínum galladinner í boði Tengi þar sem Gunni er að vinna. Var bara edrú og fór heim strax eftir matinn því mín er víst að fara í próf klukkan tíu í fyrramálið... Ég ákvað að vera alveg rosalega sniðug og bannaði Gunna að koma heim strax. Sagði honum að fara bara niðrí bæ að djamma, og helst að koma ekkert heim fyrr en í fyrramálið. Ég ætla nefnilega að læra aðeins núna, og ef hann hefði komið heim með mér þá hefði ég lítið sofið fyrir hrotum. Hann heldur nefnilega alltaf tónleika alla nóttina þegar hann er fullur.... Ætti kanski að bæta við að hann var ekkert rosalega ósáttur. Það eru örugglega ekki margar kærustur sem beinlínis pína kallana til að djamma fram á nótt!!!!
En allavega, þá ætla ég að kíkja yfir glósurnar og fara svo að sofa og ég læt svo vita á morgun hvernig gekk.
Blessblessbless.

Viktoría Lív Ívarsdóttir

2005-10-19T19:27:00.000Z

Er hún ekki sæt?

2005-10-19T11:11:00.000Z

Í gær kom lítil prinsessa í heiminn og gerði mig að föðursystur. Innilega til hamingju Anna og ívar!!

2005-10-17T23:22:00.000Z

Þar sem ég hef ákveðinni tilkynningaskyldu að gegna þá vildi ég bara láta aææa vita að Anna og Ívar fóru upp á spítala í kvöld og verða þar í nótt. Í fyrramálið á svo að sprengja belginn. Ef allt gengur að óskum fæ ég sem sagt lítið frændsystkini á morgun!!!!

Sunnudagur til sælu

2005-10-17T00:17:00.000Z

Jæja, þá er enn ein helgin búin og ég ekki búin að læra neitt... Var reyndar að enda við að senda ritgerð sem ég á að skila seinasta lagi á morgun, þannig að eitthvað hef ég gert þó það hafi ekki verið mikið.
Húsmóðirin í mér vaknaði til lífsins í dag þar sem ég eldaði sunnudagsmat í hádeginu. Vaknaði klukkan 10 og var orðin frekar svöng um hálf tólf leitið, ekkert til í ísskápnum nema þurrt brauð og egg. Gunni bauðst til að fara í búðina að kaupa eitthvað í matinn þannig að ég sendi hann eftir hráefni í nautagúllas og með því. Þegar hann kom tilbaka sagði hann að það hefðu bara verið karlmenn í búðinni, þannig að ég er greinilega ekki sú eina sem sendir kallinn út í búð eftir mat á sunnudegi!!! Svo hringdi ég í litla bróður og bauð þeim skötuhjúunum að koma í hádegismat. Í kvöld bauð ég svo Gunna á Ruby Tuesday. Veit ekki hvað kom yfir mig í dag, en ég ætla bara að láta alla vita (og þá sérstaklega Gunna!!) að þetta ætla ég ekki að leggja í vana minn. Þetta var meira svona once in a life time. Það var reyndar voða nice að borða heitan mat í hádeginu, þannig að kanski prófa ég það einhvern tíma aftur, bara ekki alveg á næstunni.
Í gær fórum við í afmæli til vinkonu minnar sem var haldið á hverfis. Það var voða fínt, fórum bara snemma heim og vöknuðum því snemma í morgun.
Bið að heilsa öllum sem nenna að lesa bullið mitt. Bless.

Um jólin ætla ég að:

2005-10-12T22:13:00.000Z

Sofa út á HVERJUM degi
Vera komin heim fyrir klukkan tíu á kvöldin
Borða góðan mat (komin með soldið ógeð á júmbósamlokum og eplum...)
Nota eins fáar heilasellur og ég kemst upp með
Brenna tölfræðibókina mína
Hætta að hugsa um klára kalla sem eru hvort sem er löngu dauðir
EIGA MÉR LÍF...

Ég er svöng!!!!!!

2005-10-06T19:52:00.000Z

Ég er að farast úr hungri. Nennir einhver að koma með mat til mín upp á Hlöðu? Þið getið fengið koss í staðinn!!!!!!

Októberfest á föstudaginn!!!

2005-10-06T12:30:00.000Z

Ætla ekki allir að mæta?!?!
Ég var að spáí að kíkja, hef aldrei farið á októberfest. Í fyrra var hún nefnilega daginn fyrir almennupróf. Segi bara eins og í euglýsingunni: afhverju eru kennarar að hafa próf daginn eftir októberfest?
En í ár er ekkert almennupróf þannig að ég get dottið í það. Jei!!

2005-10-05T16:15:00.000Z

Gærdagurinn var mjög furðulegur. Ég var í tveimur tímum, próffræði og sögu. Í próffræði voru próf lögð fyrir okkur eiginlega allan tímann um allt milli himins og jarðar, allt frá því hvort manni finnist maður vera reiður bílstjóri upp í skoðun manns á sjálfum sér og sambandinu sínu við aðra. Það var því mikil sjálfskoðun í gangi hjá mér, og komst ég að því að ég er egóisti sem á góða að og er alveg brjáluð í umferðinni (segi svona...). Svo í sögu var umræðutími, og var umfjöllunarefnið fjórar mismunandi hyggjur sem ég skil ekki og fatta ekki hver munurinn er. Vandamálið er að ÉG átti að stjórna umræðunum. Skulum bara orða það þannig að hún Helga litla var mjög feginn þegar sá tími var búinn.....

Vill svo bara að lokum minna alla (sérstaklega Sillu hehe) á að í hvöld er America´s next top model í sjónvarpinu. Það verður væntanlega mjög spennandi þar sem gefið var í skyn í síðasta þætti að ein stelpan væri að missa andlitið. Ekki er það nú gott fyrir fyrirsætur...
Blessbless

Vissir þú að:

2005-10-02T18:36:00.000Z

-Fyrsti háskólinn í Evrópu til að kenna viðskiptafræði var Háskóli Íslands
-Eina átæðan fyrir því að Charles Darwin gaf út bók sína "on the origin of species" þar sem hann sýnir fram á að dýr hafi þróast vegna náttúruvals en ekki vegna guðs var af því að hann komst að því að annar gaur var búinn að fatta það líka og ætlaði að gefa uppgötvun sína út (hann vildi auðvitað sjálfur fá creditið...)
-Freud var kókaínfíkill með mikilmennskubrjálæði.
-Greindarpróf voru einungis hönnuð til að henda börnum með greind undir meðallagi út úr venjulegum bekkjum. Það var talið að þau trufluðu kennslu fyrir hinum börnunum
-Mesmerismi heitir eftir gaur sem hét Mesmer. Hann hélt því fram að hina ýmsu kvilla væri hægt að lækna með seglum sem hann notaði til að færa vökva í líkamanum til. Seinna kom í ljós að þessir vökvar voru ekkert til og það eina sem hann gerði var í raun að dáleiða fólk.

Þessir gullmolar voru í boði áfangans saga sálfræðinnar.
Takk fyrir og bless

2005-10-01T10:27:00.000Z

Það er búið að vera eitthvað vesen með netið, og hef því ekki getað bloggað. Hef reyndar ekkert að segja þannig að það skiptir kanski ekki miklu máli. Enn er til fólk sem gerir sér ekki grein fyrir því að það er falskt. Komst að því í gær þegar ég var að horfa á Idolið. Rosalega er til mikið af skrítnu fólki! Guð minn góður... Hvað var málið með þennan þjóðverja sem var með skjaldarmerkið tattúverað á bringuna á sér? Ætla rétt að vona að hann sé ekki með Davíð Oddson tattúveraðann á rassgatið á sér...
Jæja, best að fara að kíkja í bækurnar.

Kaffikaffikaffikaffi

2005-09-28T01:21:00.000Z

Jæja, ég hef ákveðið að blogga þó að ég hafi nákvæmlega ekkert að segja. Eina ástæðan fyrir því að ég ákvað að blogga er sú að ég sit ein upp á stofu hjá pabba að læra, hef ekki hugmynd um hvað klukkan er, er búin að þamba kaffi síðan klukkan níu í kvöld, og verð því að tjá mig um eitthvað.....
Í dag var ég að setja próf fyrir krakkana sem eru með mér í próffræði. Prófið heitir líkasviðhorf og er einfaldlega að athuga hvaða viðhorf fólk hefur gagnvart sínum eigin líkama. Ég geri mér grein fyrir því að þetta hljómar ekkert sérstaklega spennandi, en það er það samt.
Eitt sem ég hef tekið eftir síðustu daga er að miðannarstressið er búið að ná tökum á mér. Þegar ég vakna á morgnana er ég yfirleitt að þylja upp einhverjar staðhæfingar í huganum. Ég sofnaði í smástund um kvöldmatarleiti áðan, og vaknaði við það að ég var að bera saman framhyggju og hluthyggju... Yes, my life is this pathetic (veit ekki hvernig maður skrifar þetta orð).
Jæja, nóg af þessu, halda áfram að lesa um sálfræði á upplýsingaöld, Jibbí!!!!!!!!

2005-09-21T19:02:00.000Z

Nú eru tvær manneskjur búnar að klukka mig. Það þýðir samt ekki að ég nenni að skrifa tíu staðreyndir um sjálfa mig, læt fimm duga (annars gæti það endað með því að ég færi að segja frá einhverjum leyndarmálum...).

Staðreynd eitt:
Ég hef tvisvar búið í Danmörku. Já ég lærði ekki af mistökunum í fyrsta skiptið og flutti þangað aftur eftir sjö ára fjarveru. Nei, það var reyndar mjög gott að búa í Danmörku í bæði skiptin, þannig að ég kvarta nú ekkert.
Staðreynd tvö:
Þegar ég var lítil vildi ég aldrei láta Erlu frænku mína passa mig því hún lét mig alltaf taka til draslið mitt og fara á réttum tíma að sofa. Agga var miklu skemmtilegri, hún var ekki jafn mikið að spá í svona smáatriðum. En í dag þykir mér rosalega vænt um þær báðar (kannski af því að Erla er hætt að láta mig taka til eftir mig, hehe).
Staðreynd þrjú:
Ég á bestu mömmu og pabba í HEIMI (það finnst mér allavega).
Staðreynd fjögur:
Í næsta mánuði verð ég föðursystir. Það finnst mér hljóma rosalega fullorðið eitthvað, föðursystir...
Staðreynd fimm:
Ég er að læra sálfræði í Háskóla Íslands. Það er mjög gaman, og verður alltaf skemmtilegra og skemmtilegra.

Að lokum ætla ég bara að klukka hann Gunna minn og hana Sillu vinkonu.

Ætla að fara að horfa á America´s next top model, jei!!! Bless.

Þreyttur!!!

2005-09-19T21:17:00.000Z

Úff. Var að koma heim, búin að vera í skólanum síðan klukkan átta í morgun (já, ég vil fá hrós!). Alveg sama hvað maður er lengi uppí skóla að læra, manni finnst maður aldrei afreka neitt rosalegt. Ég var í sama kaflanum í næstum allan dag! Óþolandi.
Annars er það að frétta að við Gunni fórum á Skagann í skýrnarveislu í gær. Það var verið að skýra systurson Gunna. Hann heitir Þorgeir Atli og er algjör krúsídúlla. Það var mikið hlegið af skammstöfunni hans, en hann er Kárason (ÞAK ef einhver skildi ekki hafa fattað...). Maður þarf nú að passa sig á svona skammstöfunum, þó þessi sé nú ekki slæm þá hefur maður heyrt það verra. Til dæmis er skammstöfun vinkonu vinkonu minnar MÖK!!! Anna benti nú á það í gær að það væri eiginlega alveg sama hvað barnið þeirra Ívars mundi heita, skammstöfunin mundi alltaf hljóma eins og eitthvað félag (ÍSÍ, BSÍ...). Hehe, það er soldið fyndið.

Flöskudagur

2005-09-16T18:37:00.000Z

Í dag ætlaði ég að vera ROSALEGA dugleg að læra. Það gekk nú ekki alveg eftir, en ég lærði þó eitthvað. Plataði Önnu til að koma með mér í Bókhlöðuna því ég var bíllaus og þurfti að fara þangað. Vill bara koma á framfæri að Anna er snillingur að hafa nennt þessu, takk Anna!
Ég og Anna kíktum svo í Smáralindina í smá stund áður en ég fór heim að læra, elda og taka til. Keyðti, by the way, snilldar upptakara handa Gunna í Debenhams. Það er Simpson upptakari, og þegar maður opnar bjór með honum heyrist "mmm... beeeer..." hehe. Það voru líka fullt af Simpsins spilum til þar sem mig langaði soldið í. Kanski ég láti það eftir mér seinna..
Allavega, þá vil ég bara segja við alla góða helgi og ekki gera neitt sem ég mundi ekki gera.

2005-09-15T16:50:00.000Z

Ég er búin að vera að lesa um einhvern heimspeking sem var uppi á 17. öld sem heitir John Locke, og ég get ekki að því gert en ég sé hann alltaf fyrir mér sem geðveikt röff gæja, allan í örum í framan og ráfandi um frumskóg með sveðju í annarri. Held að þessir lost þættir hafi haft aðeins of mikil áhrif á mig. En þeir eru búnir í bili þannig að maður þarf ekki að spá í því meira... Eða hvað? Hver er svona illgjarn að skilja mann eftir með trilljón spurningar eftir að hafa horft á hvern einasta þátt (og þeir eru ekkert fáir by the way..). Stupid people...
Annars er það að frétta að ég og Gunni erum að fara í skírnarveislu um helgina. Það á að fara að skíra litla frænda hans Gunna. Það verður örugglega mjög gaman.

Loksins gerist eitthvað....

2005-09-13T19:43:00.000Z

Jæja, hafði hugsað mér að blogga aðeins þó að ég hafi svosem ekkert merkilegt að segja. Hef ekkert bloggað lengi, en ástæðan fyrir því er einfaldlega sú að ég hef bara ekki haft tíma til þess (skólinn þið skiljið).
Fór til mömmu og pabba í gær og borðaði góðan mat. Lúðusteik með sósu og bökuðum kartöflum. Namminamm. Ástæðan var sú að Jóna og Ásgeir eru á landinu og mamma bauð þeim ásamt ömmu og fleirum í mat. Mér var eiginlega ekkert boðið, ekki formlega allavega. Orðrétt sagði mamma "þið megið koma ef þið viljið, en ég ætla ekki að pína ykkur..."
Fór vestur í Tungu um helgina og slappaði af. Það var voða fínt eins og alltaf.

Ég er að spá í að hætta þessu, er farin að sjá tvöfalt.

2005-09-08T17:59:00.000Z

Jæja, þá er enn einn skóladagurinn búinn. Fór upp í skóla klukkan níu í morgun og var að skríða heim rétt í þessu. Er svo að fara að læra núna. Mikið líf sem maður á...
Ætti nú kanski ekki að vera að kvarta, þetta er svo sem betra en margt annað örugglega.

Loksins!!!!

2005-09-07T11:43:00.000Z

Hér er myndin sem fékk mig til að breyta um bloggsíðu. Ætla nú ekki að skrifa mikið núna því ég á víst að vera að læra...
Bless bless.